Во поголемиот дел од земјата се издадени голем број метеоролошки предупредувања, како и 13 предупредувања за поплави
Бурата Берт донесе тешки временски услови низ Велика Британија, вклучувајќи снег, силен дожд и силни ветрови, предизвикувајќи големи прекини во сообраќајот и потенцијални поплави. Во поголемиот дел од земјата се издадени голем број метеоролошки предупредувања, како и 13 предупредувања за поплави.
„Национални автопати“ објавија сериозно временско предупредување поради снегот на подрачјето на Јоркшир и североисточна Англија од утрово. Автопатот А628 остана затворен во текот на ноќта поради снег, како и Транспенинската рута А66 меѓу А6 и М6.
Storm Bert has started to make an impact across the UK, with snow closing roads and people warned that strong rains and winds could cause more travel disruption.
— Sky News (@SkyNews) November 23, 2024
Sky’s Meteorologist Jo Wheeler breaks down the latest forecast. https://t.co/PAiZ4D1jU3
📺 Sky 501 pic.twitter.com/9AgZswl4ku
Железничките компании, како што е „Скотреил“, ги откажаа услугите на неколку клучни линии, додека другите линии како „Транспенин експрес“ и „Аванти вест коуст“ ги советуваа патниците да избегнуваат патувања на север.
Жолто предупредување за обилен снег и мраз е во сила до сабота попладне за делови од Шкотска, вклучувајќи ги Ангус, Перт и Кинрос, Стирлингшир и Хајлендс. На височините над 200 метри се очекуваат 10-20 сантиметри снег, додека на повисоките места може да наврнат и до 40 сантиметри. Метеоролозите предупредуваат на отежнати услови за патување, грмотевици и можни прекини на електричната енергија.
Предупредувања за ветер, дожд и снег се издадени и за пошироките региони до недела наутро, вклучувајќи ги Велс и југозападна Англија. Се очекува југот на Англија да биде погоден од налети до 110 километри на час, додека Велс и јужна Англија ќе забележат дожд од 75 до 100 мм, особено на повисоките места.
Бурата Берт ја погоди и Ирска, оставајќи околу 60 000 домови, фарми и бизниси без струја, особено во западните и северозападните окрузи. „Е-ес-бе нетворкс“, ирскиот дистрибутер на електрична енергија, рече дека тимови се мобилизирани во погодените области и работат на поправка на дефекти секаде каде што е безбедно да се направи тоа.
#StormBert wreaks havoc in #Ireland causing floods and leaving 60,000 homes without power #Flood #Storm #UK #Bert #Flashflood #Rain #Climate #Weather #Viral pic.twitter.com/MZrKvmIIbN
— Earth42morrow (@Earth42morrow) November 23, 2024