Службите за итни случаи во југозападната германска покраина Баден-Виртемберг биле ангажирани во повеќе од 380 инциденти поврзани со временските услови во изминатите 18 часа, соопшти денеска полицијата
Обилен снег падна во делови од Западна Европа каде што доведе до големи прекини во сообраќајот, а привремено беше затворена и Ајфеловата кула во Париз.
Службите за итни случаи во југозападната германска покраина Баден-Виртемберг биле ангажирани во повеќе од 380 инциденти поврзани со временските услови во изминатите 18 часа, соопшти денеска полицијата.
Портпаролот на полицијата соопшти дека се повредени најмалку 30 лица, главно полесно, а штетата изнесува повеќе од еден милион евра.
Најпогодени градови биле Фрајбург и Констанц, каде полицијата учествувала во нешто помалку од 300 операции поврзани со временските услови во периодот од четврток попладне до петок наутро, соопшти полицијата.
Während die Busse in Bern vor Schnee und Glätte kapitulieren müssen, nutzt ein Mann die Gunst der Stunde und fährt die Monbijoustrasse eben mit dem Snowboard hinunter. Zu unserem Schnee-Ticker: https://t.co/amZivszLRE pic.twitter.com/2i9qMLpdXK
— Berner Zeitung (@BernerZeitung) November 21, 2024
Во соседна Франција, околу 1 750 камиони останаа заглавени на патиштата, а најтешко се погодени северните провинции Бургундија и Нормандија, изјави министерот за транспорт Франсоа Дуроврај за телевизијата БФМТВ.
Стотици тешки возила останаа заглавени на патиштата откако возачите постојано ги игнорираа временските ограничувања. Многу возачи мораа да преноќат во своите возила.
Железничките услуги беа прекинати и во Франција, каде што 200 000 домаќинства останаа без струја поради временските услови, соопшти добавувачот „Енедис“.
Ајфеловата кула во Париз е привремено затворена за посетители по ретки врнежи од снег.