Синвар, главниот архитект на нападот на Израел од 7 октомври 2023 година, со кој започна војната во Газа, беше именуван за лидер на Хамас по убиството на тогашниот водач Исмаил Ханије во Техеран во август
Израелската армија (ИДФ) соопшти дека истражува дали лидерот на Хамас, Јајха Синвар, е убиен во воена операција во Појасот Газа.
Според ИДФ, за време на операција во Појасот Газа, елиминирани се тројца терористи, но сè уште не може да се потврди нивниот идентитет.
„Во зградата каде што беа елиминирани терористите, немаше знаци за присуство на заложници во областа. Силите кои дејствуваат во областа продолжуваат да дејствуваат со потребната претпазливост“,
се наведува во соопштението на ИДФ.
Претходно на социјалните мрежи се појавија фотографии на кои се гледа мртво тело кое личи на лидерот на Хамас.
Синвар, главниот архитект на нападот на Израел од 7 октомври 2023 година, со кој започна војната во Газа, беше именуван за лидер на Хамас по убиството на тогашниот водач Исмаил Ханије во Техеран во август.
Засега нема коментар од Хамас.
Ако смртта на Синвар биде потврдена, тоа би претставувало голем поттик за израелската армија и премиерот Бенјамин Нетанјаху, по неколкуте атентати на високи непријателски лидери во последниве месеци, оценува Ројтерс.