Вчера Антикорупциската комисија најави дека ќе вршат проверка и на имотот кој Јанушев го навел како подарок. Како што информираат оттаму, била поднесена од Управата за финансиско разузнавање
ВМРО-ДПМНЕ прашува зошто актуелниот генерален секретар Игор Јанушев не бил уапсен за време на владеењето на СДСМ и на ДУИ, ако наводната шема со имотот, како што тврди СДСМ, датира уште од 2010, кога тој директорувал во ЈСП.
„Што правела СДС и ДУИ цели 7 години власт? Во тие 7 години беа политички апсени луѓе за криво ставен потпис, ако имало било што незаконски, сигурно Јанушев ќе одговарал десекратно за истото. Вистината е дека СДС со лагите против Јанушев и Тошковски се стави во одбрана на Ахмети и ДУИ, и тоа веднаш по кривичната пријава за Дрин Ахмети која ја поднесе МВР. СДС веднаш тргна во одбрана на внучето на Ахмети без размислување“,
се вели во реакцијата на партијата.
Вчера СДСМ објави дека имотот од 325 000 евра за кој владиниот генсек Јанушев вели дека му е подарок, всушност е составен дел од зграда во најстрогиот центар на Скопје. Портпаролката на СДСМ Богданка Кузеска вчера кажа дека во зградата, покраj Јанушев, имот од над 200 квадрати (стан од 146 метри кавдратни деловни простории од 46 метри квадратни) има и актуелниот минситер за внатрешни работи Панче Тошковски. Според СДСМ, клучно прашање е како се поврзани подарокот на Јанушев од 325 илјади евра и имотот на Тошковски.
Денеска оттаму обвинуваат дека имотот е стекнат од набавката на кинеските автобуси.
„Денес ја откриваме чекор понатаму оваа афера и прашуваме: Дали поклонетиот имот и парцелатата на којашто се наоѓа зградата во која има имот и Тошковски, влече корени уште од 2010 година, во времето на владеење на ВМРО-ДПМНЕ? Тоа е годината кога се случила и криминалната набавка на кинеските автобуси за кои беше осуден Јанушев. Како е дојдено до оваа парцела, каква била постапката за во зградата баш и Јанушев и Тошковски да имаат огромни станови?“,
прашуваат од СДСМ.
На страницата на ДКСК во делот информации за имотната состојба, кај Јанушев се наведува дека поседува стан од 165 квадратни метри вреден 20 милиони денари, стекнат како подарок.
Ако се провери имотната состојба на Тошковски, според податоците на страницата на ДКСК, тој поседува стан од 146 метри квадратни и деловен простор од 46 квадрати во Центар.
И двајцата функционер вчера негираа дека поседуваат имот кој не го пријавиле во анкетниот лист, односно имот кој е стекнат под сомнителни околности, како што тврди СДСМ.
Вчера и Антикорупциската комисија најави дека ќе вршат проверка и на имотот кој Јанушев го навел како подарок. Како што информираат оттаму, била поднесена од Управата за финансиско разузнавање.