Делови од Општината Аеродром се погодени од невреме кое почна во последните дваесетина минути. Жители на населбата Аеродром чии домови се во околината на хотелот „Русија“, за „360 степени“ велат дека до пред малку паѓал и град, додека во моментов има врнежи само од дожд. Привремено, се соочиле и со прекин на електричната енергија.
Жители на Горно Лисиче, пак, јавуваат дека сѐ уште немаат струја отако почнало невремето. Од центарот за грижа на корисници на ЕВН им одговориле:
„Станувало збор за голем дефект, паднат бил 10-киловолтен далновод“.
Освен електрична енергија, жителите на Горно Лисиче велат дека врне силен дожд и паѓа град, а се соочуват со проблеми и со интернет-врските.
* По објавувањето на овој текст, околу 17:50 минути, жителите на Горно Лисиче известија дека е вратено снабдувањето со електрична енергија.