На видеата објавени на социјалните мрежи се гледа како мали деца седат надвор од болницата за време на евакуацијата. Градоначалникот на Киев, Виталиј Кличко, изјави дека двете лица кои починале во болницата се возрасни, од кои едниот бил доктор. Според него, спасувачите стравуваат дека повеќе луѓе се заробени под урнатините
По вчерашните напади на главната детска болница во Киев, во кои загинале околу 40 лица, а над 150 се повредени, во Украина е прогласен ден на жалост.
Според Зеленски, Русија вчера истрелала повеќе од 40 проектили оштетувајќи речиси 100 згради во Киев, Днепар, Криви Рих, Славјанск и Краматорск.
Русија негира дека цел на нападот била детската болница и тврди дека таа била погодена од делови од украинска ракета за воздушна одбрана.
This is the Russian Kh-101 missile that struck a children’s hospital in Kyiv today. What you may not know is that Russia sources many of the parts for this missile from American technology firms like @TXInstruments pic.twitter.com/VJQ9VQxxc7
— Simon Ostrovsky (@SimonOstrovsky) July 8, 2024
На видеата објавени на социјалните мрежи се гледа како мали деца седат надвор од болницата за време на евакуацијата. Градоначалникот на Киев, Виталиј Кличко, изјави дека двете лица кои починале во болницата се возрасни, од кои едниот бил доктор. Според него, спасувачите стравуваат дека повеќе луѓе се заробени под урнатините.
Градоначалникот Кличко ја обвини Русија за обид за геноцид врз населението на Украина.
„Сега целиот свет може да види како руски ракети и беспилотни летала камикаѕи убиваат наши граѓани во нашиот град“,
рече тој.
Украинските воени сили, пак, соопштија дека по нападот на болницата се пронајдени остатоци од руска крстосувачка ракета.
Украинскиот претседател Володимир Зеленски го нарече нападот „брутален“, а рускиот претседател Владимир Путин го опиша како крвав криминалец.
BREAKING:
— Visegrád 24 (@visegrad24) July 8, 2024
A Russian missile has damaged the Ohmatdyt Childrens’ hospital, Ukraine’s largest and best equipped hospital for kids pic.twitter.com/OyUqZWNyp4
Според Би-би-си, со оглед на тоа што од денеска се одржува самитот на НАТО во Вашингтон, се очекува нападот да биде високо на агендата на разговорите.