Надлежниот јавен обвинител до судијата на претходна постапка од Основниот суд во Куманово поднел предлог за определување мерка притвор за осомниченото лице
Основното јавно обвинителство (ОЈО) Куманово поведе истражна постапка против 67-годишен жител на кумановското село Габреш. Од кумановското обвинителство велат дека за лицето постои основано сомнение дека сторило две кривични дела – убиство од член 123 став 1, како и еден обид за убиство.
Надлежниот јавен обвинител до судијата на претходна постапка од Основниот суд во Куманово поднел предлог за определување мерка притвор за осомниченото лице.
Во описот на случајот од ОЈО Куманово велат дека 67-годишникот, вчера, во кумановското село Габреш, имал расправија со двајцата внуци од својата сестра, а на расправијата се приклучила и сестрата.
„Со пиштол кој го поседувал со дозвола, осомничениот пукал кон нив и со умисла ја лишил од живот сопствената сестра и еден од нејзините синови, а се обидел да го лиши од живот и другиот“,
велат од ОЈО Куманово.