Со оваа измена на Одлуката, вкупниот број со кој ќе учествуваме во операцијата КФОР во Република Косово ќе изнесува 101 припадник на Армијата на Република Северна Македонија
Македонија го зголемува бројот на македонски војници кои ќе учествуваат во НАТО-операцијата КФОР на Косово. Дополнителен вод од 35 припадници на македонската армија ќе биде испратен на Косово.
Со одлуката, како што соопшти владината прес-служба, е предвидено зголемување на учеството на припадниците на Армијата на Република Северна Македонија во операцијата КФОР во Република Косово со дополнително испраќање на еден вод од 35 лица.
„Одлуката е донесена врз основа на препораките на високите воени претставници во НАТО и заклучоците донесени на состанокот на началниците на Генералштабовите на земјите членки на иницијативата за соработка во одбраната, а со цел зајакнување на безбедноста и сигурноста на Република Косово“,
се вели во владината одлука.
За учество во НАТО-операцијата се испраќаат 70 припадници на Армијата за период од шест месеци, сметано од ноември 2023 до мај 2024 година.
Со оваа измена на Одлуката, вкупниот број со кој ќе учествуваме во операцијата КФОР во Република Косово ќе изнесува 101 припадник на Армијата на Република Северна Македонија.