Дел од медиумите објавија оти негувателка во градинката „Димче Мирчев“ во Велес им нудела од својата електронска цигара на децата од нејзината група. По ваквите наводи, директорката на градинката, Маја Велинова, информира оти негувателката е суспендирана, а против неа е покрената и дисциплинска постапка
По неколкудневните наводи во медиумите оти негувателка во велешката градинка „Димче Мирчев“ на децата од нејзината група им давала да пробаат од својата електронска цигара, Основното јавно обвинителство (ОЈО) Велес отвори предмет по допрен глас за овој случај.
„Во насока на испитување на евентуални основи на сомнение за кривично дело на запуштање и малтретирање дете, надлежен јавен обвинител издаде наредби и насоки до МВР за преземање на дејствија кои вклучуваат да се извршат разговори со вработени и родители кои би можеле да имаат определени сознанија за настанот“,
посочуваат од Обвинителството.
Дел од медиумите објавија оти негувателка во градинката „Димче Мирчев“ во Велес им нудела од својата електронска цигара на децата од нејзината група. По ваквите наводи, директорката на градинката, Маја Велинова, информира оти негувателката е суспендирана, а против неа е покрената и дисциплинска постапка.