Алексис Ципрас треба да оствари приватна посета на домот на Зоран Заев, поранешниот премиер на Северна Македонија, во Струмица, како одговор на поканата од Заев
Поранешниот грчки премиер и до неодамна лидер на СИРИЗА, Алексис Ципрас, денеска е во приватна посета на Струмица на покана од Зоран Заев, поранешниот премиер на Северна Македонија.
Според информациите на МИА од Атина, станува збор за еднодневна приватна посета.
Повеќе детали за средбата не се соопштени.
Инаку, во периодот кога Заев и Ципрас беа премиери на двете земји беше потпишан Договорот од Преспа, а оттогаш одржуваат пријателски односи.
Според грчките медиуми, оваа нивна средба е потврда за нивното пријателство започнато со преговорите за менување на името Република Македонија и зајакнато со потпишувањето на Преспанскиот договор со кој државата го доби името Република Северна Македонија.
На конгресот на СИРИЗА одржан минатата година, додека Ципрас беше претседател на партијата, присуствуваше и Заев, кога и им се обрати на членовите на партијата.