Овој простор од 475 квадратни метри е со трајно користење на Министерството за култура. Откако беше заокружен целиот процес, кој заради почитување на законските процедури и рокови неминовно траеше неколку недели, Владата на денешната седница донесе одлука овој простор да ѝ припадне на Националната установа „Џез-оркестар“, вели министерката за култура
Министерството за култура најде простор за новоформираната Национална установа „Џез-оркестар“, под Националната опера и балет. Оваа установа просториите најверојатно ќе почне да ги користи кон крајот на годината, затоа што до тогаш тој простор ќе се реновира, соопшти денеска министерката за труд и социјална политика Бисера Костадиновска-Стојчевска.
„Новоформираната национална установа ‘Џез-оркестар’, со одлука на Владата ќе има нова трајна адреса во зграда 1, влез 1 на булевар ‘Гоце Делчев’ број 4, на катастарска парцела број 9505/1, катастарска општина Центар 1, имотен лист 40986. Се работи за дел од вкупниот простор од 1 448 квадратни метри под националната опера и балет, простор од 475 квадратни метри за чие соодветно реновирање имаме и проект и обезбедени средства. Овој простор од 475 квадратни метри е со трајно користење на Министерството за култура. Откако беше заокружен целиот процес, кој заради почитување на законските процедури и рокови неминовно траеше неколку недели, Владата на денешната седница донесе одлука овој простор да и припадне на Националната установа ‘Џез-оркестар’ и на тој начин најдобро да се искористи и сочува државниот имот“,
рече Костадиновска-Стојчевска на денешната прес-конференција.
Наредната недела, додаде Костадиновска-Стојчевска, ќе го објавиме идејното решение, ќе имаме јавна презентација и се надевам дека реконструкцијата ќе започне во најкус рок и дека можеби до крајот на годината ќе имаме оспособени простории за тие да можат да функционираат.
Со ова, како што рече министерката, јас моето ветување кон јавноста, а пред сè кон вработените во Филхармонија, го исполнив и со оглед на обемноста на документацијата и запазувањето на сите неопходни процедури, ова ветување го одржав во реално најкус можен временски период.
Според Костадиновска-Стојчевска чесен епилог на сето ова е да има извинувања кон јавноста и публиката од директорката и управниот одбор кои свесно манипулираа со врвни музичари, но и со авторитети од светот на културата убедувајќи ги, како што рече, дека јас и оваа влада сакаме да ја земеме зградата на Филхармонија и воедно свесно ги изложија на критики од јавноста како нетрпеливи и безобѕирни домаќини.
„Невистините, манипулациите и заканите продолжија и откако на владина седница ја дополнивме одлуката, допрецизирајќи и нагласувајќи дека ‘Џез-оркестар’ времено, до своето законско оформување, ќе биде во дел од просториите на Филхармонија“,
додаде Костадиновска-Стојчевска.
Министерката повика да се прекине со протестите, а колегите од Филхармонија дека ќе обезбедат простор да ги одржат своите проби и концерти во просториите на филхармонијата, додека не се преселат во новите простории.
Прашана дали веќе правно-формално е формирана НУ „Џез-оркестар“, таа посочи дека новата установа само уште чека „црно на бело“ за своја жиро-сметка и веќе е формирана.