Денеска времето во земјава ќе биде сончево со мала дo умерена облачност, со изолирана појава на пороен дожд проследен со грмежи во попладневните часови, информира Управата за хидрометеоролошки работи (УХМР). Ќе дува слаб до умерен ветер од југоисточен правец.
Минималната температура ќе се движи во интервал од 11 до 16 Целзиусови степени, а максималната ќе достигне од 23 до 29 степени.
Во Скопје се очекува слично време, претпладне сончев со мала до умерена облачност, а попладне во делови од котлината ќе биде нестабилно со пороен дожд, грмежи и засилен ветер. Минималната температура во главниот град ќе се спушти до 15, а максималната ќе достигне до 26 Целзиусови степени.
Во наредните денови се очекува во попладневните часови на повеќе места да биде нестабилно со дожд и грмежи и локална појава на поинтензивни процеси во вид на невреме. Температурите ќе бидат без поголема промена.