Почина бебе во битолската болница: На родилката ѝ дале апче за провокација и ја пратиле дома, кога дошла да се породи вечерта, веќе било доцна

И од битолското обвинителство го потврдиле случајот од каде што информирале дека во тек е обдукција за да се утврдат причините за смртта

Вчера починало бебе во стомакот на родилка од Битола откако ѝ била дадена таблета да го испровоцира породувањето, но родилката била пратена дома од лекарот гинеколог кој бил дента на смена, пишува „Независен“.

Според информациите, кога родилката се вратила ноќта во болница да се породи, веќе било доцна. Дежурните лекари виделе дека нешто не е во ред со бебето, се обиделе да ја породат родилката и да го реанимираат бебето, но му немало спас.

Директорот на битолската клиничка болница д-р Александар Обедниковски го потврдил случајот, но без детали.

Денеска во 14 часот министерот за здравство д-р Фатмир Меџити доаѓа во посета на болницата.

И од битолското обвинителство го потврдиле случајот од каде информирале дека во тек е обдукција за да се утврдат причините за смртта.

На крајот на март шестгодишната Јана почина во битолската болница откако била примена со симптоми на настинка.

Инспектори се во битолската болница, директорот е на пат за Скопје да реферира за случајот со шестгодишната Јана

Основното јавно обвинителство Битола сè уште не го добило извештајот од обдукцијата на малата Јана, а во меѓувреме работи на обезбедување на други докази, изјави пред десетина дена републичкиот јавен обвинител Љубомир Јовески.

Јовески: Сослушани се повеќе лица за смртта на малата Јана, сè уште се чека извештајот од обдукцијата