Претресот во домот на Бајден наводно се спроведува како дел од истрагата за можно неправилно ракување со доверливи документи
ФБИ го претресува домот на американскиот претседател Џо Бајден во Делавер, изјави неговиот адвокат, а пренесе Би-би-си. Адвокатот на Бајден вели дека претседателот не барал налог за претрес.
„Се договоривме да соработуваме“,
се вели во соопштението на адвокатот на Бајден, Боб Бауер, додавајќи дека повеќе информации ќе бидат објавени по завршувањето на истрагата.
Претресот во домот на Бајден наводно се спроведува како дел од истрагата за можно неправилно ракување со доверливи документи.
Овој претрес следуваше по проверката на домот на Бајден во Вилмингтон на 20 јануари, кога агентите пронајдоа доверливи документи и беа земени некои од пишаните белешки на Бајден.
Самиот американски претседател дозволил Министерството за правда да ги претресе неговите резиденции, додека инспекторите се обидуваат да утврдат како доверливите документи од времето кога Бајден беше американски потпретседател и сенатор завршиле во неговите дом и канцеларија.
Истрагата за документите на Бајден ја води специјалниот советник Роберт Хур, поранешен главен федерален обвинител во Балтимор. Тој ја презема функцијата оваа недела, наследувајќи ја повеќемесечната истрага што веќе е во тек од агентите на ФБИ и обвинителите на Министерството за правда.
Кон крајот на минатата година во приватната канцеларија на Бајден беа откриени доверливи документи, а јавноста за тоа дозна минатиот месец. Документите датираат од времето кога Бајден беше потпретседател за време на двата претседателски мандати на Барак Обама. Јавниот обвинител Мерик Гарланд побара од државниот обвинител во Чикаго да го истражи случајот.
Адвокатите на Бајден тврдат дека ги пронашле доверливите материјали во ноември, за време на затворањето на канцеларијата на Бајден во Вашингтон.