Поради нејзината состојба, авионот принудно слетал на аеродромот во Белград синоќа нешто пред 22:30 часот, по што кај жената била констатирана смрт
Шеесет и осумгодишна жена починала на белградскиот аеродром „Никола Тесла“ откако ѝ се слошило во авион што летал на релација Келн-Ниш, јави РТС.
Поради нејзината состојба, авионот принудно слетал на аеродромот во Белград синоќа нешто пред 22:30 часот.
Во изјава за РТС од Итната помош велат дека учествувале во реанимацијата на жената, но на крајот лекарите констатирале смрт.