Републиканската гувернерка Сара Хакаби Сандерс вчера во Арканзас прогласи вонредна состојба поради ледената бура и кажа дека лошите услови на патиштата ја запреле утринската испорака на продукти до продавниците
Зимското невреме проследено со ледена бура вчера парализира поголем дел од САД поради што беа откажани повеќе од 1 700 лета низ земјата. Сообраќајот на меѓудржавниот автопат низ Арканзас беше запрен, а невремето предизвика и сериозни сообраќајни несреќи во Тексас, сојузна држава што не е навикната на мраз.
Додека ледената бура вчера се движеше кон исток, од западен Тексас сè до западна Вирџинија, беа издадени предупредувања за опасност од невреме. И во текот на денешниот ден се очекуваат врнежи, вклучувајќи и замрзнат дожд и лапавица, што значи дека некои региони би можеле да бидат погодени од невремето повеќе пати предупреди Федералната метеоролошка служба.
Противпожарната служба во Остин, Тексас, пријавила повеќе сообраќајни несреќи во градот, со најмалку една жртва. Во округот Тревис, Тексас, кој го опфаќа Остин, полицијата на секои три минути добивала повици за несреќи, соопштија локалните власти.
Само вчераутро во Тексас биле пријавени околу 7 000 прекини на електричната енергија, што се должело на мраз на далноводите или соборени дрвја.
Флота од возила за итна помош беше испратена на дури 1 600 и патишта под мраз.
Републиканската гувернерка Сара Хакаби Сандерс вчера во Арканзас прогласи вонредна состојба поради ледената бура и кажа дека лошите услови на патиштата ја запреле утринската испорака на намирници до продавниците.
Училиштата и колеџите во Тексас, Оклахома и Арканзас најавија дека ќе бидат затворени, а наставата ќе се изведува онлајн.