ДУИ е позната и препознаена по внатрешната демократија, по можноста различни луѓе да претстават различни идеи кои се разликуваат од мнозинството. Но, тоа е сè додека не се премине една граница на анархија. Тогаш секоја организација си презема мерки за да си го зачува функционирањето. Имам чувство дека веќе сме на таа граница, иако таа култура во ДУИ секој да го искаже ставот и јавно, дури и да е различен од мнозинскиот, ќе ја охрабриме, рече денеска портпаролот на ДУИ
ДУИ е позната по својата внатрешна демократија, секој има право на свои идеи, но сè додека не се премине границата на анархија. Имам чувство дека веќе сме на таа граница, вели Бујар Османи во својство на портпарол на ДУИ прашан за коментар за можноста „огнените“ да формираат своја пратеничка група во парламентот.
„Секој има право да си постапува како што е убеден. ДУИ е позната и препознаена по внатрешната демократија, по можноста различни луѓе да претстават различни идеи кои се разликуваат од мнозинството. Но, тоа е сè додека не се премине една граница на анархија. Тогаш секоја организација си презема мерки за да си го зачува функционирањето. Имам чувство дека веќе сме на таа граница, иако таа култура во ДУИ секој да го искаже ставот и јавно, дури и да е различен од мнозинскиот, ќе ја охрабриме“,
рече Османи.
Сепак, тој додаде дека одлучувањето ќе остане со мнозинско одлучување, а ставови ќе може секој да каже каде што сака, што сака. Но, Османи вели дека ќе мора да се почитуваат одлуките на мнозинството во организацијата.
„Така функционира секоја организација, така ќе функционира и ДУИ“,
рече Османи по посетата на полицискиот центар во Ѓорче Петров.
Прашан како ќе реагираат во таков случај, Османи рече дека тоа ќе биде согласно со статутот на партијата.
Вчера потпретседателот на ДУИ, Изет Меџити, кој заедно со дел од високи претставници од партијата се сретна со граѓани на Куманово, рече дека сериозна дебата и европски вредности се потребни за напредок на државата, а за тоа е потребно демократизирање на партијата, отворена дебата, аргументи и контрааргументи, што води кон демократско општество.
Според него, важна е борбата за, како што вели, европските вредности, отворена дебата во партиските органи, отчет на Владата.
Тој смета дека со дебата и со контра аргументи може да да се постигнат најдобри заклучоци.
Потпретседателот на ДУИ посочи дека тие како дел од партиското раководство даваат отчет за сработеното, а истото го очекуваат и од сопартијците од ДУИ, да кажат како што, потенцира во изјавата, што сработиле и да се соочат со граѓаните.
Пред десетина дена Меџити и „огнените“ имаа средба со подмладокот на партијата во Скопје. Во говорите на „огнените“ можеше да се слушне дека е потребна поголема демократија и дебата во партијата.
„Огнената група“ од ДУИ е револтирана од првиот вицепремиер Артан Груби и бараа промени во партијата. Тие обвинуваа дека во партијата не постојат и не се формираат статутарните партиски органи, дека политичкото одлучување станало индивидуално, како и дека не постои дебата и консултација со базата.