Денеска во Тетово треба да почне судењето за пожарот во модуларната болница

Пожарот во модуларната ковид болница се случи на 8 септември минатата година. Во огнената стихија која за неколку минути до темел го изгоре објектот, животот го загубија 14 луѓе, а повеќе пациенти беа тешко повредени

Во Основниот суд во Тетово денеска во 10 часот треба да се одржи рочиште во судскиот процес за пожарот во тетовската модуларната болница. Судењето требаше да почне на 6 септември, но беше презакажано за денеска, откако судијата Јордан Велковски го одложи почетокот на процесот поради отсуство на двајца од тројцата обвинети.

Одложено судењето за пожарот во тетовската модуларна болница: Еден од обвинетите директори не чувствува вина, другиот не дојде

Од обвинетите на првото рочиште присутен беше тогашниот директорот на Клиничка болница Тетово, Фљорин Бесими, додека отсутни беа економскиот директор Артан Етеми и докторот Бобан Вучевски.

На 27 јули, Обвинителството поднесе обвинителен предмет до Основен суд – Тетово со кој ги обвини двајцата директори на Клиничка болница Тетово Фљорин Бесими и Артан Етеми за кривично дело „тешки дела против општата сигурност“ и докторот Бобан Вучевски за кривично дело „непостапување според здравствени прописи за време на епидемија“, додека правното лице ЈЗУ Клиничка Болница Тетово го обвини за кривични дела „предизвикување на општа опасност и непостапување според здравствени прописи за време на епидемија“.

Обвинителството десет месеци водеше истрага во која стручни анализи и вештачења беа направени од МВР, Технолошкиот факултет, електроинженер и експерти и истражители од сојузната криминалистичка полиција на Германија.

Пристигнаа германските експерти за истрагата на пожарот во тетовската модуларна болница

Во октомври 2021 по вештачењето на МВР, Обвинителството информираше дека пожарот во модуларната настанал како последица на запален продолжен кабел, на кој бил приклучен дефибрилатор-апарат за реанимација, полнач за мобилен телефон и уште еден уред.

Тогашните двајца директори на тетовската болница поднесоа оставки, но останаа на функциите се до преструктуирањето на Владата.

Директорите на тетовската болница досега не ги доставиле оставките до министерот за здравство

Пожарот во модуларната ковид болница се случи на 8 септември минатата година. Во огнената стихија која за неколку минути до темел го изгоре објектот, животот го загубија 14 луѓе, а повеќе пациенти беа тешко повредени.

(ФОТО+ВИДЕО): Изгоре модуларната болница во Тетово, има и жртви