Српскиот претседател Александар Вучиќ на денешната вонредна прес-конференција толку силно се закашла што предизвика штама кај присутните во салата.
„Не плашете се, немам коронавирус. Знам дека многумина би сакале да имам, ама не удира гром во коприви. Се заскрнав“,
рече Вучиќ.
Во Србија досега има 12 заразени, а властите се цел на критики со оглед дека минатата недела наместо да преземат мерки се шегуваа на сметка на коронавирусот.
На официјалната владина прес-конференција еден од докторите, пулмологот Бранимир Несторовиќ, ги охрабруваше жените слободно да патуваат во Милано за да ги искористат осмомартовските попусти, а токму Вучиќ тврдеше дека алкохолот е добар лек против вирусот.