Зошто го правиме ова? Половина година оваа влада, чија недоверба изгласавме пред малку, не направи ништо во оваа насока, рече лидерот на ДПС
Веднаш откако беше изгласана недоверба на владата на Кирил Петков, опозициската партија ДПС достави предлог-одлука до Народното собрание за одобрување на нацрт-преговарачката рамка за Република Северна Македонија и Албанија со ЕУ, предложена од француското претседателство.
Ова го потврди и лидерот на ДПС, Мустафа Карадаи, по гласањето недоверба.
„Зошто го правиме ова? Половина година оваа влада, чија недоверба изгласавме пред малку, не направи ништо во оваа насока. Едно се зборува во Брисел, а друго во Бугарија. Трето, пак, кога се среќаваат со нашите соседи“,
рече Карадаи.
Претходно, пак, во текот на денот пред да се изгласа недоверба, токму по барање на ДПС беше одложена седницата на собраниската Комисија за надворешни работи. Партијата сметаше дека е противуставно прво Комисијата да се изјаснува, а потоа влада и бараше од кабинетот на Петков прво да се достави предлог-одлука за францускиот предлог.