Францускиот предлог за ветото стигна во Комисијата за надворешна работи во бугарското собрание

Француската амбасадорка во Бугарија вчера се сретна со пратениците членови на Групата за пријателство со Франција во Народното собрание и на таа средба се разговарало за документот и за тоа дали владата го има потребното мнозинство за да го прифати

Францускиот предлог за кревање на ветото за почеток на преговорите на Република Северна Македонија е испратен до Комисијата за надворешна политика во Народното собрание на Бугарија.

Информацијата за БНР ја потврдиле два независни извори од бугарскиот парламент.

Француската амбасадорка во Бугарија, Флоренс Рубин, потсетува БНР, вчера се сретна со пратениците членови на групата за пријателство со Франција во Народното собрание и на таа средба се разговарало за документот. Исто така, се дискутирало и за тоа дали владата го има потребното мнозинство за да го прифати.

Потоа еден од копретседателите на Демократска Бугарија, Христо Иванов, имаше изјава дека францускиот предлог ќе биде успех за Бугарија доколку Скопје се согласи да ги прифати бугарските услови и ЕУ да стане гарант за нивното спроведување.

Францускиот предлог за ветото е успех за Бугарија, смета Христо Иванов – коалицискиот партнер на Петков

Испраќањето на предлогот во парламентот следува откако во среда бугарската влада одлучи сите предлози поврзани со прашањето со Северна Македонија да бидат одобрени од Народното собрание.

БГНЕС: Франција денеска официјално ќе го испрати предлогот за укинување на бугарското вето за С Македонија до земјите од ЕУ – утре Петков ќе го достави до Собранието