Гејтс на Твитер напиша дека има благи симптоми и дека ќе биде во изолација додека не оздрави
Бил Гејтс, еден од најбогатите луѓе и основач на „Мајкрософт“, е позитивен на коронавирус.
Гејтс на Твитер напиша дека има благи симптоми. Тој додаде дека ќе биде во изолација додека не оздрави.
„Имам среќа што ги примив вакцините, како и засилувачката. Имам пристап до тестови и одлична медицинска нега“,
напиша тој.
I’ve tested positive for COVID. I’m experiencing mild symptoms and am following the experts’ advice by isolating until I’m healthy again.
— Bill Gates (@BillGates) May 10, 2022
Гејтс често даваше јавни предвидувања за тоа кога ќе заврши пандемијата. Во една од последните изјави, која ја објави на почетокот на мај, тој предупреди дека светот сè уште не го видел најлошото од пандемијата на коронавирус.
„Сè уште сме во опасност, овој вирус може да создаде варијанта која би била уште попренослива и уште пофатална. Не сакам да бидам глас на пропаста и тагата, но ризикот е далеку над пет проценти дека не сме го виделе најлошото од пандемијата“,
изјави Гејтс за „Фајненшел тајмс“.