Петков на Твитер напиша дека со Блинкен разговарал за зголемување на соработката и диверзификацијата на енергетските извори
Државниот секретар на САД, Ентони Блинкен, за време на денешната средба со бугарскиот премиер Кирил Петков ја истакнал важноста од брз пристап во ЕУ за квалификуваните аспиранти, објави Стејт департментот.
Портпаролот на Стејт департментот Нед Прајс соопшти дека двајцата лидери ја потврдиле заедничката визија за трансатлантските односи.
Прајс во соопштението вели: „Секретарот Блинкен ја нагласи важноста на обединетиот одговор на НАТО и на САД-ЕУ кон неоправданата и неиспровоцирана инвазија на Русија врз Украина и рече дека САД ќе продолжат да ја поддржуваат модернизација на одбраната и приоритетите на енергетската безбедност на Бугарија“.
И Блинкен и Петков за средбата објавија на Твитер.
Pleased to have met virtually with Bulgarian Prime Minister @KirilPetkov. Bulgaria’s principled and courageous response to Russia’s aggression, commitment to anti-corruption reform, and clean energy goals make it a reliable and likeminded Ally.
— Secretary Antony Blinken (@SecBlinken) May 11, 2022
Петков напиша дека со Блинкен разговарал за зголемување на соработката и диверзификацијата на енергетските извори.
„Бугарија и САД се сојузници и стратешки партнери и енергетската соработка ќе придонесе за зголемување на енергетската безбедност и диверзификација во регионот“,
напиша Петков.
Pleased to speak today with 🇺🇸@SecBlinken.
— Kiril Petkov (@KirilPetkov) May 10, 2022
We have discussed enhancing cooperation and diversification of energy sources and routes.
🇧🇬&🇺🇸 are Allies and strategic partners and energy cooperation will contribute to increasing energy security and diversification in the region.
И демократскиот сенатор Крис Марфи денес објави дека се сретнал со бугарскиот премиер со кого разговарале за енергетска поддршка, со цел да се стави крај на зависноста на Бугарија од руските гас и нафта.
Во соопштението се наведува дека средбата била онлајн бидејќи Блинкен од пред неколку дена е позитивен на коронавирус.