И двете страни потврдија дека денеска се евакуирани 50 цивили од фабриката за челик и најавија дека операцијата ќе продолжи и утре
Со хуманитарен конвој денеска 50 цивили – жени, деца и постари Украинци, се евакуирано од фабриката за челик Азовстал кај украинскиот град Мариупол.
Информацијата ја потврди вицепремиерката на Украина, Ирина Верешчук обвинувајќи ја операцијата како „исклучително бавна“. Таа ја обвини Русија и дека ја одложува и забавува евакуацијата со отворање оган што ги спречува цивилите да го напуштат индустрискиот објект.
„Утре ќе ја продолжиме операцијата за евакуација“,
додаде Верешчук.
Потврда дека се евакуирани 50 цивили стигна и од руското Министерство за одбрана кои исто така најави дека, ќе се продолжи и утре со овие активности.
Бројката за вкупно евакуирани во текот на денешниот ден следува откако од Азовстал замина и третиот автобус со цивили пред затворањето на хуманитарниот коридор во 21 часот по локално време.
Во претходните два автобуси, како што јавија медиумите, беа евакуирани по 12 односни 13 цивили.
Photo: EPA-EFE/MYKOLA TYS