Марина Овсијаникова ќе работи за компанијата која е сопственик на весникот Ди Велт, и ќе известува од Украина и Русија, објави Би-би-си
По протестот, новинарката ја напушти работата како уредничка на рускиот државен Канал 1 и ја одби понудата за азил во Франција, бидејќи сака да остане во Русија, иако, како штто рече, се плаши за својата безбедност
Руската новинарка Марина Овсијаникова која стана позната во светот кога со транспарент се појави среде вести на руската телевизија Канал еден и порача да не се верува на пропагандата што се пласира во врска со Украина, е ангажирана како дописник за германски медиум.
Таа ќе работи за компанијата која е сопственик на весникот Ди Велт, и ќе известува од Украина и Русија, објави Би-би-си.
Минатиот месец, Овсијаникова по појавувањето со антивоениот транспарент таа беше приведена и парично казнета од рускиот суд, а стана вест број еден во светот.
Овсијаникова рече дека била испрашувана 14 часа, пред да и биде изречена казна од 30 000 рубљи (280 долари) поради антивоената видеопорака што ја објавила на интернет.
Во видеото таа го повика рускиот народ да протестира против војната, велејќи дека само тие имаат моќ „да го запрат сето ова лудило“.
По протестот, новинарката ја напушти работата како уредничка на рускиот државен Канал 1 и ја одби понудата за азил во Франција, бидејќи сака да остане во Русија, иако, како штто рече, се плаши за својата безбедност.
Таа сега ќе работи како хонорарен дописник за Ди Велт, пишувајќи за нивниот водечки германски весник и се појавува како соработник на ТВ каналот за вести.
Улф Поршарт, кој е главен уредник на „Велт груп“, изјави дека протестот на Овсијаникова „е одбрана на најважната новинарска етика – и покрај заканата од државна репресија“.
„Возбуден сум што работам со неа“,
додаде тој.