Неколку владини ресори се задолжени да ги продолжат активностите за организирано прифаќање и згрижување на лица кои ќе пристигнат во земјата како резултат на бегалската криза поради руската инвазија
Информација за потенцијалните сместувачки капацитети на државните органи за прифаќање лица од бегалска криза предизвикана од воените дејствија во Украина усвои македонската Влада, на денешната седница.
Како што соопштија од Владата, неколку владини ресори се задолжени да ги подготват капацитетите за сместување бегалци.
„Владата ги задолжи Министерството за надворешни работи, Министерството за труд и социјална политика, Министерството за внатрешни работи, Министерството за здравство, Министерството за финансии и Генералниот секретаријат да ги продолжат активностите поврзани со утврдување на капацитетите за сместување и да ги подготват сите активности за организирано прифаќање и згрижување на лицата кои ќе пристигнат во земјата како резултат на бегалската криза поради војната во Украина“,
се наведува во владиното соопштение.