Претходно денеска и владата на Косово донесе одлука за промена на мерките против ширењето на епидемијата на ковид-19, со кои, меѓу другото, се укинуваат полицискиот час и ограничувањата за работа на угостителските објекти
Албанскиот технички комитет на експерти за справување со пандемијата денеска одлучи да се укине полицискиот час, воведен во средината на ноември 2020 година, кој траеше од 23 до 6 часот.
По направената процена на епидемиолошката состојба во земјата, сè уште останува во сила мерката за носење заштитна маска во затворени простории и на места каде што не може да се одржи растојание.
„Во земјава има постојано подобрување. Се укинува полицискиот час, останува мерката заразените да останат изолирани пет дена, носењето заштитна маска во затворени простории и каде што не може да се одржува растојание. Подобрувањето на оваа состојба доаѓа од процесот на вакцинација. Мораме со интензитет да продолжиме со овој процес и да почнеме со имунизација и на деца над 12-годишна возраст“,
информираше Мира Ракацоли, претседателка на Комитетот и заменик министерка за здравство.
За влез во Албанија и понатаму во сила останува мерката за поседување сертификат за примени две дози вакцина, како и мерката со која на спортски, културни настани или други собири се дозволува исполнетост од 30 отсто од капацитетот.
Ракацоли рече дека последната недела од февруари забележано е намалување на новите случаи на заразени со ковид-19 во земјата и оти во моментов има 2 211 активни случаи, од нив 50 се хоспитализирани при што 70 отсто во тешка состојба.
Претходно денеска и владата на Косово донесе одлука за промена на мерките против ширењето на епидемијата на ковид-19, со кои, меѓу другото, се укинуваат полицискиот час и ограничувањата за работа на угостителските објекти, јави дописникот на МИА од Приштина.