Шефот на руската дипломатија преку видео врска говореше во Советот за човекови права и на Конференцијата за разоружување
Шефот на руската дипломатија, Сергеј Лавров за време на говорот преку видеоконференциска врска во Обединетите нации во Женева се соочи со дипломатски бојкот.
За време на говорот на Лавров на Конференцијата за разоружување западните амбасадори ја напуштија салата веднаш кога тој почна да зборува.
Рускиот министер за надворешни работи потоа говореше во Советот за човекови права на ОН, но и таму салата се испразни.
За да биде иронијата поголема, како што коментираат западните дипломати, голем дел од говорот на Лавров бил за безбедноста – или рускиот концепт за тоа.
Поради неоснованите наводи дека Украина може да се обиде да набави нуклеарно оружје, тој рече дека е време американските ракети од Европа да се вратат дома.
Претходно, американскиот државен секретар Антони Бликен го доведе во прашање членството на Русија во Советот за човекови права на ОН поради инвазијата на Украина.