Со илјадници луѓе засолнети во незагреани подруми, подземни паркиралишта и метро-станици низ градот, ненадејниот студен бран е загрижувачки, јавува од Киев репортерката на Си-ен-ен, Ивана Котасова
Ниските температури во Киев додаваат уште една грижа на листата со проблеми на жителите на главниот град на Украина. Со илјадници луѓе засолнети во незагреани подруми, подземни паркиралишта и метро-станици низ градот, ненадејниот студен бран е загрижувачки, јавува од Киев репортерката на Си-ен-ен, Ивана Котасова, а пренесува МИА.
Температурите се под нула Целзиусови степени веќе две недели во Киев.
„Сега е многу студено во градот, луѓе со часови чекаат во редици пред аптеки и продавници откако се отворија првпат по 36-часовен полициски час“,
вели Ивана Котасова, дописничката за Си-ен-ен од Киев.
Како што јавува Си-ен-ен од Киев, засега нема проблеми со струја, топлина и вода, но, сè поголем е стравот од потенцијални нарушувања во снабдувањето додека долг руски воен конвој се приближува кон градот.