(ВИДЕО) „Гуливер“ слета во Петровец: Реализиран првиот лет Софија-Скопје

Со авионот пристигнаа македонска и бугарска делегација, предводени од министерот Бочварски и неговиот бугарски колега Сабев, како и туроператори од двете држави

Авионот од Софија на авиокомпанијата „Гуливер“ слет утрово во 9:40 часот на Меѓународниот аеродром „Скопје“, со што се реализира првиот директен лет меѓу главните градови на Северна Македонија и на Бугарија.

Со авионот во Скопје пристигнаа македонска и бугарска делегација, предводени од министерот за транспорт Благој Бочварски и од неговиот бугарски колега Николај Сабев, како и туроператори од двете држави.

Бочварски и Сабев вчера во Софија имаа состанок во рамки на Работната група за транспорт, енергетика и локална самоуправа меѓу Скопје и Софија. На состанокот, од македонска страна, присуствуваше и министерот за локална самоуправа, Горан Милевски.

Што договори Работната група за транспорт на состанокот во Софија

Активностите на Работната група за транспорт ќе продолжат денеска во Скопје, со состанок во Клубот на пратениците, на кој треба да се разгледаат можностите и да се дефинирани деталите околу идното сообраќање на авиолинијата, која, според најавите, треба да биде редовна од следниот месец. Воедно, треба да се утврдат и туристички пакети што ќе помогнат да се зголеми бројот на меѓусебните посети на туристи од двете држави. За исходот е од средбата се најавени изјави за медиумите во Клубот на пратеници.

Петков: Од денеска добрососедството ќе се мери во реално постигнати резултати, а од Скопје до Софија ќе се патува за 20 минути