Многу сум задоволен од она што денеска го постигнавме и мирно можам да кажам Северна Македонија
Добрососедските односи меѓу двете држави од денеска натаму ќе се мери во точни, реални постигнати резултати. Многу сум задоволен од она што денеска го постигнавме и мирно можам да кажам Северна Македонија, рече бугарскиот премиер Кирил Петков во воведното излагање на прес-конференцијата со македонскиот премиер Димитар Ковачевски.
Тој исто така ги поздрави и разговорите на двајцата министри за транспорт за кои рече дека договараат авионската линија Софија-Скопје да биде реалност и најави дека за три недели ќе се знаат првичните информации, по што ќе следува и финализирање на решението.
„Врските и Коридорот 8 треба да станат приоритети. И двајцата сме многу решени дека трасата по која се движиме треба да продолжи. На 25 јануари ќе биде првата средба на владите, по што ќе следуваат редовни средби на работните групи со јасни цели и резултати и ќе покажеме дека добрососедските односи имаат и практични резултати, реални резултати во бизнисот и скратување на патувањето од Скопје до Софија за 20 минути“,
рече Петков.