Досега се направени околу 12 милиони теста, со вратени 7,8 милиони примероци. Заразите првпат беа пријавени во саботата во градот кој е на само еден час оддалеченост од Пекинг, каде што на 4 февруари започнуваат ЗОИ
Властите во Тијанџин, град во северна Кина, наредија втор круг тестирање на ковид-19 на сите 14 милиони луѓе откако пред три дена открија 97 случаи на сој омикрон.
На жителите им е забрането да излегуваат додека не се добијат резултатите од сите тестови, јави кинеската новинска агенција Синхуа.
Досега се направени околу 12 милиони теста, со вратени 7,8 милиони примероци. Заразите првпат беа пријавени во саботата во градот кој е на само еден час оддалечен од Пекинг – кој ќе биде домаќин на Зимските олимписки игри од 4 февруари.
Градската управа за превенција и контрола на ковид-19 соопшти дека сите оние кои биле позитивни во првичниот круг на тестирање имале сој омикрон. Кина досега има пријавено само неколку случаи на овој вид коронавирус.
Изворот на сè уште не е откриен, а луѓето што на крајот го шират сојот омикрон на коронавирусот го прават тоа несвесно бидејќи немаат симптоми.
Милиони луѓе се изолирани во други градови под строгата политика за нула случаи и покрај економските последици.
Кина пријавила вкупно 166 нови случаи на инфекција со ковид-19 во последните 24 часа, од кои 33 се во Тијанџин и 118 во провинцијата Хенан, но само осум во Ксиан, каде што властите воведоа строга блокада на 23 декември.