ЕМА исто така објасни како лекот треба да се развива и проучува за употреба кај деца
Европската агенција за лекови (ЕМА) ја започна евалуацијата на оралниот антивирусен лек Пакловид на „Фајзер“, а условното одобрување и ставање во промет на лекот би можело да се забрза за неколку недели, соопштија од централата на ЕМА, пишува „Танјуг“.
Лекот се користи за третман на благи до умерени симптоми на коронавирусот кај возрасни и адолесценти ( на возраст од 12 години и постари со тежина од најмалку 40 кг), кои се изложени на висок ризик од прогресија на тежок облик на ковид-19.
Од ЕМА информираат дека веќе почнале да ги разгледуваат податоците од лабораториските и клиничките студии, како и резултатите од истражувањето за употреба на лекот Паклоовид кај нехоспитализирани и невакцинирани пациенти со ковид-19.
Во согласност со забрзаните рокови за третмани, ЕМА исто така објасни како лекот треба да се развива и проучува за употреба кај деца.
Во декември 2021 година, Управата за храна и лекови на САД издаде одобрение за употреба на Паксовид за третман на високоризични случаи на коронавирусот на возраст од 12 години и постари, како и за оние со тежина од најмалку 40 килограми.