Во изминатите сто години, повеќето претседатели се обратиле на Конгресот во јануари или февруари
Претседателката на Претставничкиот дом на САД, Ненси Пелоси го повика претседателот Џо Бајден да одржи говор за состојбата на државата пред двата дома на Конгресот на 1 март, неколку недели подоцна од вообичаеното.
„Ви благодариме за вашата храбра визија и патриотско лидерство што ја извлече Америка од кризата и воведе ера на голем напредок“,
се вели во писмото на демократката Пелоси до американскиот претседател.
За прв пат во американската историја, претседателот на САД ќе одржи годишен говор за состојбата на унијата во март. Во изминатите сто години, повеќето претседатели се обратиле на Конгресот во јануари или февруари. Во 2013 година, тогашниот претседател Барак Обама се обрати пред Сенатот и Претставничкиот дом на 12 февруари.
Првиот ден од изборите во средина на мандат е исто така 1 март. На тој ден, демократите и републиканците во Тексас ќе ги изберат своите кандидати за изборите на 8 ноември.