За членови, претседателот Пендаровски ги именуваше: Фехми Стафа, Љубомир Јовески, Љубомир Михајловски, Темелко Ристевски, Ерол Рушид, Томислав Кежаровски, Божин Аврамовски, Сафет Aлиу, Зора Митиќ и Билјана Петковска
Претседателот на државата Стево Пендаровски донесе одлука за составот и за именување претседател и членови на Комисијата за помилување.
Како што соопшти кабинетот на Пендаровски, за претседател на Комисијата за помилување е именувана Уранија Пировска, извршна директорка на „Хелсиншкиот комитет за човекови права“, а за членови се именувани Фехми Стафа, Љубомир Јовески, Љубомир Михајловски, Темелко Ристевски, Ерол Рушид, Томислав Кежаровски, Божин Аврамовски, Сафет Aлиу, Зора Митиќ и Билјана Петковска.
Уранија Пировска е именувана за претседател на Комисијата за помилување на местото на Сабит Кранли, а нов член во Комисијата е новинарот Томислав Кежаровски.
На местото на актерката Сабина Ајрула, за член на Комисијата за одликувања и признанија Пендаровски донесе одлука за именување на актерката Амернис Јовановска-Нокшиќи.