Има проблеми на маса, мора да се бара компромис. Убеден сум дека можеме да го постигнеме тоа, вели специјалниот пратеник на С Македонија за Бугарија коментирајќи за очекувањата од декемврискиот Самит на ЕУ
Специјалниот пратеник на Северна Македонија за Бугарија, Владо Бучковски, изрази уверување дека коалициските разговори во Бугарија ќе доведат до формирање влада која ќе почне да работи на решавање на спорните прашања меѓу Софија и Скопје.
„Верувам дека промените што ги вети тандемот Петков и Василев имаат сериозно позитивно влијание врз македонската јавност. Довербата е скршена меѓу нас, како што велите вие, и ни треба силна верба дека можеме да постигнеме решение“,
изјави Бучковски за БНР мислејќи на лидерите на „Продолжуваме да се менуваме“, Кирил Петков и Асен Василев.
За бугарското радио, тој го коментира и за претстојниот состанок на Европскиот совет во декември.
„Има проблеми на маса, мора да се бара компромис. Убеден сум дека можеме да го постигнеме тоа. Колку брзо? Тоа е прашањето на кое немам одговор во моментов“,
вели Бучковски во интервјуто што ќе се емитува во емисијата „Нешто повеќе“ на програмата „Хоризонт“.