Огромната загуба, сметаат од Комитетот, оправдано ја зголемува недовербата на граѓаните во институциите и затоа е клучно истрагата да се одвива профеисонално и транспарентно
Иннсистираме на објективно и навремено расветлување на големата трагедија во тетовската модуларна болница, бараат од Хелсиншкиот комитет за човекови права.
Покрај темелната истрага, од Комитетот бараатда се утврди и одговормост кај лицата и институциите особено, како што велат во поглед на превентивните мерки за заштита и почитувањето на здравствените и безбедносните протоколи во болницата во Тетово.
„Оваа огромна загуба оправдано ја зголемува недовербата на граѓаните во институцииите на системот и затоа е клучно истрагата да се одвива професионално и транспарентно. Само на тој начин, надлежните органи може да го минимизираат просторот за шпекулации во јавноста и последователните штети, кои во голема мера може да го загрозат справувањето со последиците од пандемијата“,
велат од Комитетот од каде ја поздравуваат и одлуката во истрагата да се вклучат експерти од странство.
Оттаму, исто така, сметаат дека обвинителството во најкус можен рок треба да излезе со информации околу безбедноста на модуларните болници, за што документацијата ја проверува Обвинителството за гонење организиран криминал и корупција.
Во трагедијата во Тетово живото го загубија 14 лица. Истрагата за пожарот е во тек, а здравствените власти соопштија дека ја ставаат на располагање целокупната документација за случајот. Откако првично одобрија во истрагата да се вклучат стручни лица од странство, денеска од Владата информираа дека во земјата ќе дојде тим експерти од германската Федерална криминалистичка полиција.
- Истрага за пожарот во Тетово: МЗ сака да ја приложи документација за поставувањето на сите 17 регионални ковид-центри
- Германски експерти од Федералната криминалистичка полиција ќе помагаат во истрагата за пожарот во Тетово
- Русковска ја побарала целокупната документација за јавните набавки на модуларните болници