Но според Филипче, без разлика за која варијанта се работи, решението се вакцините кои се еднакво ефикасни за сите соеви
За лицата кои не може да се вакцинираат поради здравствената состојба, Филипче рече дека ќе може за тоа да добијат потврда од лекар-специјалист од областа на имунологијата
Делта-сојот е доминантен кај новозаразените, вели министерот за здравство Венко Филипче. Тој тука ја посочува последната анализа на Институтот за јавно здравје и МАНУ, според која кај две третини од примероците кои се секвенционирани е утврдена оваа варијанта.
Но според Филипче, без разлика за која варијанта се работи, решението се вакцините кои се еднакво ефикасни за сите соеви.
Во однос на зголемениот број починати од ковид последниве денови, тој вели дека се работи за лица со хронични болести, посебно кардиоваскуларни и белодробни.
Филипче рече дека имаат и анализа од ИЈЗ за тоа колкав број од прележаните повторно се заразиле, но за да не погреши во некоја бројка, најави дека таа ќе биде споделена со медиуми наскоро.
За лицата кои не може да се вакцинираат поради здравствената состојба, Филипче рече дека ќе може за тоа да добијат потврда од лекар-специјалист од областа на имунологијата. Но, за нив рече дека се толку мала бројка што не би влијаела на колективниот имунитет.