Одложувањето на пописот од април за септември, заедно со воведувањето на отисок од прст и одложувањето на локалните избори за октомври годинава, беа дел од договорот на средбата меѓу лидерите на двете најголеми партии во земјата премиерот Зоран Заев од СДСМ и Христијан Мицкоски од ВМРО-ДПМНЕ, што потоа беше поддржано и од лидерот на ДУИ Али Ахмети
ВМРО-ДПМНЕ бара пописот да се спроведе електорнски. Како причини ги наведуваат тоа што нема доволен број пријавени попишувачи, како и епидемиолошката состојба во земјата поради ковид.
„Владата и ДЗС се неспособни да организираат попис, решение е електронски попис. Срамно и неодговорно е на една недела пред официјалниот почеток на пописот да не се знае кој ќе биде попишувач. Власта ја води целосно аматерски постапката околу организација на пописот. Прво велеа дека се е завршено, а сега се жалат дека нема попишувачи. Зошто и кога лажат. Дополнително целата ситуација ја влошува 4 бран на ковид- 19, кој исто така е толку голем поради неспособноста на власта“,
велат од ВМРО-ДПМНЕ.
ВМРО-ДПМНЕ предлага ситуацијата да се реши со електронски попис, без физичко посетување на граѓаните во домовите, со што според нив ќе се спречи заразата да се шири, при што укажуваат дека пописот е важна статистичка операција и не смее да трпи, како што велат, поради аматеризмот на власта.
Се ќе биде според протоколите
Директорот на Државниот завод за статистика, Апостол Симовски вчера посочи дека ковид-протоколите се јасни и преизни и мора и да се почитуваат, додавајќи дека ќе сносат одговорност ако тоа не се случи.
За предлогот на ВМРО-ДПМНЕ за електронски попис, Симовски категорично го отфрли и нагласи дека сега ниту може, ниту има намера да се размислува за менување на методологијата, која како што рече, е донесена со Закон, објавена во Службен весник и одобрена од Евростат.
На прес-конференција во Владата, во однос на бројот на попишувачите ррече дека се надева оти ќќе има доволно. Тој се заблагодари за препораката од Владата да се стават на располагање времено вработените во државните институции, но изрази надеж и очекување дека нема да има потреба од нивно ангажирање зашто, како што рече, има доволен број попишувачи.
Пописот ќе стартува од 5-ти и ќе трае до 30 септември, откако Собраниетто на 2 април донесе Прелог-закон за именување го одложи неговото спроведеување кое првично требаше да биде во април.
Одложувањето на пописот, заедно со воведувањето на отисок од прст и одложувањето на локалните избори за октомври годинава, беа дел од договорот на средбата меѓу лидерите на двете најголеми партии во земјата премиерот Зоран Заев од СДСМ и Христијан Мицкоски од ВМРО-ДПМНЕ, што потоа беше поддржано и од лидерот на ДУИ Али Ахмети.