Според последните информации (вчершните се очекуваат подоцна во текот на денот), досега целосно се вакцинирани вкупно 507 443 граѓани, а дневната бројка се движи околу 14 500
Од денеска, вакцинација против ковид ќе почне да се спроведува во малата сала од A1 СЦ „Борис Трајковски“ во Скопје.
Здраствените власти одлучија повторно да се отворат вратите на најголемиот вакцинален пункт во земјава, поради зголемениот интерес за вакцинација, поради што се создаваа гужви во здравствените домови.
Вакцинацијата е без закажан термин како што е и во другите пунктови низ државата каде продолжува имунизацијата.
Според последните информации (вчершните се очекуваат подоцна во текот на денот), досега целосно се вакцинирани вкупно 507 443 граѓани.
Дневната бројка на вакцинирани се движи околу 14 500 граѓани.
Според статистиката на Министерството за здравство, најголем процент на вакцинација има кај повозрасните и тоа кај оние на 70 години – дури 70% кои примиле најмалку една доза, 68% од населението над 65 години е вакцинирано со барем една доза вакцина, 65% од населението над 60 години е вакцинирано со барем една доза вакцина и 56% од населението над 50 години е вакцинирано со барем една доза вакцина.
Најмал е процентот кај помладите пради што здравствените власти вчера објавја апел за нивно вакцинирање, со објаснување дека се намалува старосната граница на заразени од коронавирус кои развиваат тешка клиничка слика на болеста.
Односно, дека на удар на четвртиот бран се младите, а причина за сè поголемиот број заразени меѓу оваа популација е ниската стапка на вакцинација.
„Потпирајќи се на природниот имунитет и добрата здравствена состојба, младите лица ја одбиваат или пролонгираат имунизацијата, со што се изложуваат на значително висок ризик од инфекција, а во случај на заразување сè почесто развиваат и тешки симптоми и компликации, бидејќи не се соодветно заштитени“,
велат од МЗ.
Од Министерството посочуваат дека последните податоци од израелската ЕКМО-асоцијација покажуваат дека сите хоспитализирани, критично болни пациенти кои се приклучени на апарат за животна поддршка во земјата се помлади од 60 години и без примена вакцина. Од вкупно 31 невакцинирано лице приклучено на ЕКМО-апарат, петмина починале, сите под 60-годишна возраст.