Социјалдемократите велат дека се фаворити на претстојните избори, и по анкетата која покажа водство за неколку процентни поени на опозицискатата партија, од каде што ги толкуваат ваквите резултати како „црвен картон“ за владејачката партија, иако, пак, Мицкоски заостанува зад Заев
Од СДСМ велат дека се апсолутни фаворити на претстојните локални избори, и по анкетата на Националниот демократски институт (НДИ) која покажа водство за неколку процентни поени на опозициската ВМРО-ДПМНЕ, од каде што, пак, ги толкуваат ваквите резултати како „црвен картон“ за владејачката партија, иако, од друга страна опозиционерот Христијан Мицкоски заостанува зад премиерот Зоран Заев.
Освен разминувањето во рејтинзите меѓу двете најголеми партии, од една страна и на нивните лидери, од друга страна, карајтеристично за оваа анкета на НДИ, спроведена во март и април годинава, е тоа што повеќе од половина од испитаниците одговориле дека не знаат, не одлучиле или дека нема би гласале за ниту една партија, а, исто така, и дека немаат доверба во ниту еден политичар.
„СДСМ е апсолутен фаворит и победник на локалите избори. Ние сме прва партија во земјава која што уште на 17 јули ги објави првите 30 кандидати за градоначалници, а пред една седмица објавивме уште пет кандидати за грдоначалници, што значи досега имаме утвредени 35 кандидати за градоначалници. Очекуваме до крајот на август да ги објавиме и другите кандидати. Додека од друга страна гледаме во ВМРО ДПМНЕ се уште се мачат да утврдат кандидати, затоа што добро знаат во белиот дворец дека ги очекува пораз на овие локални избори и од тој пораз бегање нема Затоа не можат да најдат кандидати“,
изјави, на денешната прес-конференција, Стефан Васев од СДСМ, одговарајќи на прашање кога владејачката партија ќе ги утврди преостанатите кандидатури за претстојните избори.
Од ВМРО-ДПМНЕ, пак, синоќа најавија дека следната недела ќе ги објават имињата на повеќето кандидати за градоначалници, а денеска го коментираа обемното истражување на НДИ, оценувајќи дека рејтингот на СДСМ драматично паѓа.
„Анкетата потврди дека народот ќе ги порази Зоран Заев и СДСМ на следните избори, поради лошите политики, криминалот и корупцијата. Од анкетата на НДИ јасно се гледа дека граѓаните повеќе не му веруваат на СДСМ и дека тие водат целосно погрешна политика. Според анкетата, најлошо оваа криминална власт се справува со економијата. Исто така, граѓаните забележуваат и назадување во демократијата и демократските вредности во државата, токму поради дискриминаторските политики, политичкиот прогон, како и невладеењето на правото во државата. Ова е реалната слика во Република Македонија, слика без розеви очила“,
се наведува во соопштение на ВМРО-ДПМНЕ.
Според истражувањето на НДИ, со кое биле опфатени над 2 000 испитаници, ВМРО-ДПМНЕ е во предност за четири процентни поени пред СДСМ (10 проценти поддршка), на прашањето „за која партија би гласале доколку не оди во коалиција на престојните избори“. Од друга страна повеќе од половина од анкетираните одговориле дека не знаат или не кажуваат за која партија би гласале или дека нема да гласаат. По ВМРО-ДПМНЕ и СДСМ, следни партии на рејтинг-листата се ДУИ и Левица, со идентична поддршка од пет проценти, а веднаш зад нив е Алијанса за Албанците со рејтинг помал за еден процентен поен. Исто така, пет проценти од испитаниците одговориле дека ќе гласаат за друга партија.
Премиерот Зоран Заев има највисок рејтинг и во оваа анкета и води пред Христијан Мицкоски за три процентни поени. „Третото место“, пак, го делат претседателот Стево Пендаровски и претседателот на Левица Димитар Апасиев, кои добиле по четири проценти поддршка на прашање „на кој политичар намјногу му верувате“. Еднакво ниво на доверба имаат и Али Ахмети (ДУИ) и Зијадин Села (Алијанса) – по само два проценти. Затоа, пак, и во оввој случај, повеќе од половина од испитаниците не веруваат во ниту еден политичар.