Од почетокот на кампањата за вакцинација кон средината на декември, помалку од еден процент од случаите на ковид-19 се меѓу луѓе кои се целосно вакцинирани, напиша Џастин Трудо, објаснувајќи зашто се бара вакцинација на целата државна и јавна администрација во земјата
Вакцините дејствуваат. Од почетокот на кампањата за вакцинација во Канада кон средината на декември, помалку од еден процент од случаите на ковид-19 се меѓу луѓе кои се целосно вакцинирани, објави на Твитер канадскиот премиер Џастин Трудо, најавувајќи дека ќе се бара вакцинација на целата државна и јавна администрација во земјата.
„Затоа ќе бараме вакцинација на федералната јавна служба веќе на крајот на септември. Исто така, ќе бараме вработените во федералните транспортни сектори, вклучително со воздушниот, железничкиот и морскиот сектор, да бидат вакцинирани што е можно поскоро оваа есен. Најдоцна до крајот на октомври, ќе бараме да бидат вакцинирани патници во комерцијалните авионски летови, во меѓурегионални возови и патници на големи морски бродови со сместување преку ноќ. Продолжиме да работиме за да се осигураме дека Канаѓаните можат да се вакцинираат и ќе продолжиме да правиме се што е потребно за да ги заштитиме луѓето и да ја завршиме борбата против ковид-19“,
објави Трудо.