За ова беше предвиден рок од 48 часа од распишувањето на изборите
Министерството за внатрешни работи денеска во 20 часот до Државната изборна комисија ги доставило податоците на граѓаните, вклучително и отпечатоците од прсти, објави на својот профил на Фејсбук, министерот за внатрешни работи Оливер Спасовски.
„Со ова Министерството го испочитува за доставување на овие податоци до ДИК во законскиот рок од 48 часа по распишување на локалните избори, предвиден во Изборниот законик“,
вели Спасовски во објавата.
Претседателот на Собранието Талат Џафери во петокот го потпиша Решението за распишување на изборите за членови на советите на општините, Советот на Град Скопје и за градоначалници на општините и градоначалник на Град Скопје, кои ќе се одржат на 17 октомври годинава согласно законската рамка и роковите утврдени со Изборниот законик.