Министерот за здравсто попладнево преку писмена изјава одговори на критиките од лидерот на ВМРО-ДПМНЕ дека новите рестриктивни мерки се квази-мерки кои внесуваат поделби меѓу народот
Јавното здравје и колективната заштита се приоритет, а мерките кои се донесени се исклучиво во таа насока. Тие не го „делат народот“ како што изненадувачки изјави лидерот на опозицијата, туку се нужни за заштита на граѓаните, здравствените работници и самиот здравствен систем. Овие мерки се применуваат во многу држави и веќе даваат резултат, се вели во писмената реакција од министерот за здравство Венко Филипче, што попладнево ја објави Министерството.
„Забраната за движење во шуми не го дели народот на планинари и оние кои не планинарат, тоа е заштита од пожари. Условот за запишување во училишта на децата со примена вакцина не е поделба на децата туку нивна заштита од болести и епидемии. Ничие лично право не е над правото на колективна заштита на здравјето на граѓаните. Барам максимална одговорност од сите, Делта сојот брзо се шири. Податоците и трендовите кои ги имаме се многу сериозни. Апелирам на доследно почитување на постоечките мерки за заштита и масовна вакцинација“,
се вели во изјавата на Филипче.
Лидерот на ВМРО-ДПМНЕ Христијан Мицкоски, новите рестритивни мерки кои ќе стапат на сила од 16 август ги нарече квази-мерки кои што не само што нема да го заштитат здравјето на граѓаните туку и дополнително ќе направат поделби меѓу граѓаните.