Четири лица се повредени во сообраќајка што се случила денеска околу пладне во Росоман. Две од повредените лица се полициски службеници, сите се пренесени во болницата во Кавадарци.
Едно од повредените лица е со потешки телесни повреди, додека останатите тројца се полесно повредени. Несреќата се случила во Росоман помеѓу патничко моторно возило „пасат“ со велешки регистарски ознаки и полициско возило „јети“.
Дежурниот лекар во Брза помош Кавадарци, доктор Ратко Грков, за МИА рече дека две од полесно повредените лица се полициски службеници, полицајка и полицаец. Сите четири лица на средна возраст, биле пренесени во кавадаречката болница.