Од МО нагласуваат дека ова е уште еден позитивен одговор од НАТО сојузничка земја, по реакцијата на министерот за одбрана на Словенија и по помошта што ја испрати Бугарија
Романија донесе одлука да испрати авион за гаснење пожари со поголем капацитет, по писмено барање на министерката за одбрана Радмила Шекеринска до нејзиниот романски колега Николае Јонел Чука за итна помош во справувањето со пожарите, соопшти Министерството за одбрана.
„Ве молиме да ги утврдите можностите за испраќање авион за справување со шумски пожари, што е од исклучителна потреба за Република Северна Македонија. Сојузничката солидарност е многу важна во овие тешки времиња и ние сме благодарни за сета ваша помош и поддршка“,
се вели во писмото што министерката Шекеринска го испрати до романскиот министер за национална одбрана, Николае Јонел Чука.
Од МО нагласуваат дека ова е уште еден позитивен одговор од НАТО сојузничка земја, по реакцијата на министерот за одбрана на Словенија која испрати пожарникари и противпожарни возила во опожарените подрачја низ Северна Македонија и по помошта што ја испрати соседна Бугарија, стои во соопштението од Министерството за одбрана.