Поради состојбата со пожарите, велат од Владата, министрите секојдневно заседаваат и одржуваат седници преку онлајн видеоконференциска врска и навремено и непречено ги носат сите потребни одлуки
Премиерот Зоран Заев користи денови од годишниот одмор до 12 август, а е во постојана телефонска и интернет координација со сите ресорни министерства и надлежни институции, соопштија од Владата.
Покрај Заев, во периодот од 3 до 12 август и други членови на Владата користат одмор, но од Илинденска велат дека Владата секојдневно си ги извршува функциите, а поради состојбата со пожарите министрите секојдневно заседаваат, седници одржуваат онлајн и навремено ги носат потребните одлуки.
„Согласно меѓусебна координација, дел од министрите нема да користат денови од годишен одмор во овој период, а со цел да се обезбеди и теренска и канцелариска координација на активностите секогаш и секаде каде што тоа е потребно. Овие денови теренската координација е обезбедена од страна на првиот вицепремиер Артан Груби, министерката за одбрана Радмила Шекеринска, министерот за транспорт и врски Благој Бочварски, министерот за земјоделство Арјанит Хоџа, министерот и заменик министерот за информатичко општество и администрација Шакири и Бајдевски, министерката и заменик министерот за образование Царовска и Шабани, заменик министерот за внатрешни работи Буши, заменичката министерка за животна средина Оџаклиеска, заменикот министер за труд и социјала Енвер Хусин, заменикот министер за здравство Илир Хасани, заменик министерот за правда Нухиу“,
велат од Владата.