Иако Велика Брританија имаше најбрза вакцинација во Европа, укинувањето на рестрикциите нема да се случи уште четри недели. Сите останати земји ги отворија границите дури и за туристи
Укинувањето на мерките што Борис Џонсон помпезно ги најавуваше за 21 јуни е одложено за уште четири недели. Така, Обединетото Кралство останува една од ретките земји во Европа во која затворањето продолжува, додека, од друга страна, стариот континент се повеќе се отвора. Што се случи? Одговорот е делта- сојот.
Бројни европски земји ги олеснуваат мерките со цел да се подготват за летната туристичка сезона. Полицискиот час е скратен, рестораните и баровите почнуваат да работат во затворени простории, музеи, галерии, базени, спортски сали се отворени, како и театрите и кината.
На ниво на ЕУ, договорена е употреба на дигитален зелен сертификат, што треба да го олесни патувањето. Некои членки веќе започнаа да го користат овој документ.
Некои европски земји одлучија да прифатат пристигнување на туристи кои не биле вакцинирани со вакцините одобрени од ЕМА, како што се, руската вакцина „спутник В“ или кинеската „Синофарм“. Вакцинацијата напредува се повеќе и повеќе, и во многу земји маските повеќе не мора да се носат на отворено. Луѓето сè уште се повикуваат да одржуваат физичка дистанца и да носат маски во затворени простории и во јавниот превоз.
Британија ќе почека
Владата во Лондон се надеваше дека ќе ја укине блокадата во понеделник, на 21 јуни, но, поради новите околности и фактот дека постои страв од нови мутирани варијанти, тоа нема да биде можно сега, пренесува Би-би-си.
Доколку Владата успееше во намерата и околностите беа во нејзина корист, ова ќе беа мерките кои ќе важеа: нема ограничување колку гости може да поканите дома,пабовите, клубовите, театрите и кината ќеработеа без ограничувања на капацитетот, спортските настани би биле со полни стадиони, ноќните клубови ќе се отворат, ќе бидат дозволени свадби со гости…
Што во моментов е дозволено?
Правилата може да варираат од земја до земја или, како во случајот со Шкотска, помеѓу региони: пабовите, кафулињата, баровите и рестораните може да служат и во затворениот дел, отворени се капацитетите за летување, се отвораат кината, салите за прослави, се отвораат музеите и галериите, спортските сали и базените, а дозволено е и групно вежбање, дозволени се патувања во Бретања, како и некои меѓународни патувања во зависност од епидемиолошката состојба во тие земји, жителите на домовите за стари лица можат да примат посетители, може да се одржат свадбени приеми, како и погреби, концерти и спортски настани со публика…