Како што објави „Призма“, освен „Талир“, за што судењето е на почеток, во прашање се доведени и процесите „Титаник“, „Топлик“ и „Тендери“, кои се пред самиот крај, а се водат со години
Нов почеток им се заканува на неколку крупни предмети што ги отвори згаснатото СЈО. Причината е иста како и лани, кога почна одново предметот за уривањето на „Космос“, „ТНТ“, возраста на судија – поротник, кој наполнил 60 години и веќе не може да дели правда, објави „Призма“.
Со нов почеток се соочуваат предметите за изборни измами „Титаник“, кој беше прв отворен случај на СЈО, „Топлик“, за продажба на државно земјиште за комплексот „Сончев град“ во Сопиште, „Талир“, за незаконското финансирање на ВМРО-ДПМНЕ и „Тендери“ за тендер за Музејот на македонската борба.
Обвинетите во овие случаи, преку своите адвокати, бараат да му се констатира престанок на функцијата на поротникот Митко Сандев. Итна смена на поротникот бара и ВМРО-ДПМНЕ. Штом еден судија- поротник е сменет, судењето почнува одново.
Како што објави „Призма“, најмал проблем е „Талир“, каде што преедметот е на самиот почеток, со петнаесетина сослушани сведоци, но проблем се другите предмети, кои се пред самиот крај, а се водат со години. Така, на пример“ во „Титаник“, досега се сослушани 170 сведоци на Обвинителството, како доказен материјал се пуштени над илјада бомби и илјадници страници доказен материјал. Уште подолг стаж имаат судењата за „Топлик“ и за „Тендери“, кои траат приближно по три и пол години. Потради динамиката на судењето, на 14 обвинети во „Титаник“ во текот на судењето им застаре по едно дело.
Целиот текст може да го прочитате на следниот ЛИНК.