Македонскиот младински ракометен репрезентативец Марко Божиновски почина ненадејно на 20-годишна возраст.
Засега, не се познати причините за неговата смрт.
„Со неизмерна тага и неверување испраќаме последен поздрав за прераната смрт на македонскиот младински репрезентативец Марко Божиновски. Почивај во мир, сочувство до семејството“,
велат од Ракометната федерација на Македонија.
Божиновски играше за РК Бутел и вчера го имаше својот последен натпревар против Еурофарм Пелистер 2 на кој постигна два гола.
Ова е втора трагедија што деновиве ја потресе ракометната јавност. На 29 мај, во водите на Охридското Езеро беше пронајдено безживотното тело на ракометниот голман Никола Даниловски. Даниловски го бранеше голот на ракометниот клуб Охрид, а често беше дел и од македонската репрезентација.